VIGAN CITY- Inkalintegan ni ACT Teachers Party-list Rep. Antonio Tinio da dati a Bayan Muna Partylist Rep. Satur Ocampo kenni Rep. France Castro inaig dagiti pammabasol kontra kadakuada, nangruna iti mapapati a panangisuro da kadagiti Lumad kadagiti doktrina a maikaniwas iti agdama nga administrasyon.
Ti pannaki-uman ti Bombo Radyo Vigan ken ni Tinio, naibaga na a ti pagadalan a sumsumrekan dagiti agtutubo a kadua da Ocampo ken ni Castro idi nakemmeg da ket rehistrado ti Department of Education isu nga ammo da nu anya dagiti maisursuro a subject, nu siasino dagiti mangisursuro ken dadduma pay a requirement tapnu ti maysa a pagadalan ket agoperate.
Immuna iti dayta, inbaga ti PNP ken AFP a ti lumad school a sumsurekan dagiti agtutubo idiay Talaingod, Davao Del Norte ket isu ti pangisursuroan dagiti komunista kadagiti doktrina a maikaniwas kadagiti programa ti agdama nga administrasyon.
