Ibilang ni Senador Loren Legarda nga unconstitutional wenno panaglabsing iti Constitution ken awan ti bisa ti napasamak a reshuffle iti liderato ti Senado idi Hunyo 3.
Pinasingkedan ni senador Legarda a naglabsing iti linteg pannaka-botos ni Senador Sherwin Gatchalian kas Senate President Pro Tempore ken Acting Senate President.
Segun ti senadora, saan a mabalin nga agbotos iti baro nga opisial ti baro a grupo ti mayorya gapu ta napaay da a makaala ti naan-anay a bilang ti botos a naikeddeng iti linteg.
Kabayatanna, impaganetget ni Legarda a ti nagbalin a basaran ti dati a minorya nga Avelino v. Cuenco iti panag-take over ti Senado ket salinong pay laeng iti 1935 Constitution.
Innayon na a kallabesen daytoy a prinsipiyo gapu ta ti masursuroten ket ti 1987 Constitution.
