VIGAN CITY – Posible a maiyakar wenno mairelocate iti nataltalged a lugar dagiti evacuees gapu iti phreatic eruption ti Taal volcano kas maibasar iti report ti National Disaster Risk Reduction and Management Council, nangruna nu kumaro pay ti aktibidad ti nasao a bulkan kadagiti sumar-saruno nga aldaw.
Ti pannaki-uman ti Bombo Radyo Vigan ken ni NDRRMC – Office of the Civil Defense spokesman Mark Timbal, natalged iti lugar nga ayan dagiti evacuees iti agdama ngem nu kumaro pay iti aktibidad ti Bulkang Taal, posible a maiyalis da manen iti nataltalged pay a lugar tapnu masigurado iti kinatalged da.
Ti agdama, umaboten ti tallo pulo ket innem a ribo a tattao iti naapektaran gapu iti phreatic eruption ti nasao a bulkan idi January 12.
Ti Taal Volcano ti maysa kadagiti kabassitan a bulan iti intero a lubong ken maikadua a kaaktibuan a bulkan ditoy pagilian a ti naudi a panagbettak na ket idi October 3, 1977.
