VIGAN CITY –Saanen a kasapulan pay nga imbitaran ti Philippine National Police ti religious sector iti laban kontra ti iligal a droga ta nabayag dan a tumultulong.
Dayta ti reaksyon ni Pastor Jun Lacaden ti Capital Christian Center Assemblies of God, Viga City, iti panangkiddaw ni PNP chief Dir. Gen. Ronald Dela Rosa ti suporta dagiti amin a relihiyon ti laban kontra ti iligal a droga nangruna iti “Oplan Tokhang Part 2”.
Segun kenni Lacaden, tumultulong ti religious sector babaen ti moral recovery programs para iti panagbalbaliw dagiti drug personality a simmuko kadagiti otoridad.
Inpakaammo na a nakatutuok iti nasao a sector iti panangisuro kadagiti drug surenderee iti nasayaat a panag-ugali babaen kadagiti panursuro ni Apo Hesus.
Immunan nga inpasigurado ni Dela Rosa a nain-innayad da itattan iti implmentasyon ti Oplan Tokhang part 2 ket dagiti high-value target iti illegal trade iti tutukan da.
