Sinigurado ti agduduma a religious group a dumar-ay ken addada iti Senado inton Lunes iti umuna nga impeachment trial ni Vice President Sara Duterte.
Kasaruno dayta iti naisayangkat a The Pilgrimage of Conscience Jericho Walk for the Truth and Justice iti agduduma a religious group iti Senado itattay bigat.
Segun ken Father Robert Reyes, ti naisayangkat nga aktibidad ket para kadagiti senador ken intero a senado gapu iti isyu ti korapsyon.
Nagbaallaag ni Father Reyes iti insayangkatda nga aktibidad ta idi naudi a nangisayangkatda ti Jericho march idi impeachment ni dati a Pres. Joseph “Erap” Estrada ket nangitunda iti EDSA People Power Revolution.
Ngem sinigurado met ni Doctor Meiba Maggay a maysa met laeng a leader iti religious group a nakappia iti isayangkatda a panagkakadua idiay Senado inton Lunes.
