Vigan City – Naiwarasen iti relief packs a para kadagiti agindeg idiay Quinarayan, Narvacan kas pinasingkedan ni Narvacan Mayor Luis Chavit Singson.
Dayta ket kalpasan iti pannakaidalan iti extreme enhanced community quarantine iti nasao a barangay gapu iti pannakaimaldit iti maikapat a kaso iti covid-19 ditoy probinsia.
Iti pannaki-uman iti Bombo Radyo Vigan kenni Mayor Chavit, kinunana a naiwarasen iti kalman iti relief kas iti bagas ken grocery kadagiti naapektaran iti lockdown iti nasao a lugar a makatulong kadakauda itatta a gundaway.
Kiddaw ti mayor a rumbeng a makitinnulong dagiti agindeg iti nasao a barangay ta no man bilang nga agnegatibo iti resulta dagiti na-swab test a nakapulapol iti maikapat a pasyente ket maikkatton iti lockdown iti nasao a barangay malaksid laeng iti dua a Sitio.
