--Ads--
VIGAN CITY – Tallo gasut ket lima a pamilia ti nawarasan ti relief pack idiay Manueva, Santa a naggapu iti barangay ken ti local government unit.
Dayta ket tulong kadakuada iti kangitingitan ti krisis a sangsangwen iti intero a lubong gapu ti COVID 19.
Segun ken ni ABC President Percy Carreon, mismo a naidanun iti tunggal pagtaengan dagiti nasao a relief pack ket nasurot met ti social distancing tapno maliklikan iti panagi-innakar.
Malaksid iti tulong ti barangay, adda met ti uppat a kilo ti bagas a naited ti tunggal pamilia a naggapu ti Santa LGU sa nakaawat dagiti senior citizen ken dagiti masikug ti vitamins a naggapu ti Rural Health Unit.
