Relief items nga ited ti Ilocos Sur provincial government, maipanen idiay Batangas

VIGAN CITY – Maipanen idiay Batangas dagiti relief items a naggapu ditoy probinsiya para kadagiti naapektaran iti phreatic eruption ti Taal Volcano idi January 12.

Mapatta-patta nga umabot iti nasurok a dua a milyon a pisos iti gatad dagiti relief items a maited kadagiti biktima iti nasao a didigra a kas pinasingkedan ni Gov. Ryan Singson.

Malaksid kadagiti relief items a naggapu iti provincial government, adda pay dagiti donasyon a naggapu kadagiti naduma-duma a local government unit, pribado a grupo ken indibidwal ken dadduma pay.

Dagiti nasao a relief items ket nailugan ti truck nga itulod ti Provincial Disaster Risk Reduction and Management Office nga idaulwan ni PDRRMO head Michael Chan.