VIGAN CITY – Pinasingkedan ni Municipal Disaster Risk Reduction and Management Kael Brillantes iti Lagangilang, Abra a nakaiwarasdan iti relief goods iti sangapulo ket pito a barangay a naapektaran ti ginggined ken ti agtultuloy nga aftershocks.
Segun ken ni Brillantes, dagiti nasao a tulong ket nagtaud Department of Social Welfare and Development, Local Government Unit ken pondo iti munisipyo.
Inlawadan ni Brillantes a ti nariknada a ginggined ket nakarkaru pay ngem iti napasamak idi 1990 ta napalaus ti pigsana ta manggegda payen iti uni ti panaggaraw iti daga ken makitada iti panaggaraw dagiti istruktura.
Ikkis ken anug-og iti mangmanggegannan manipod iti aglawlawna ta napalus iti panagdanagen dagiti umili iti ginggined.
Nupay kasta, pagyamananna ta adda dagiti naisaysayangkat idi kallabes nga earthquake drill iti nasao a lugar ket maibagana nga adda iti nasursuro dagiti tattao ta ammoda iti inar-aramidda bayat iti inggined ket pagyamananna ta awan iti nairekord a natay iti masakupanda nupay adda latta dagiti nadundunor.
