Ibilang ni Vice President Sara Duterte a maysa a political attack ti reklamo a naipila kontra iti kabsatna a ni Davao City Representative Paolo ‘Pulong’ Duterte mainaig iti mapapati a panangdangran ken panagpangtana.
Segun ken ni VP Sara, kayat ti Marcos administration a dadaelen ti imahe dagiti kalaban iti pulitika tapno makalluban dagiti pudno nga isyu iti pagilian.
Iti agdama, saan pay a nakapagpatang ti bise presidente ken ti kabsatna mainaig iti isyu ken saanna pay a masigurado no ammo daytoy ti amada a ni dati a Presidente Rodrigo Duterte.
Ti reklamo kontra ken ni Rep. Pulong ket impila ti maysa a negosyante iti Department of Justice.
Maibasar iti salaysay ti nagreklamo, dinangran ken binutbuteng isuna ti kongresista babaen iti kutsilyo iti las ud ti dua nga oras idi February 23 iti maysa a bar idiay Davao City.
Pinasingkedan met ti kongresista a nabayagen a napasamak ti insidente ken nakadependen kadagiti taga-Davao no ibotosda isuna.
