--Ads--
Impakaammo ni Manila Mayor Isko Moreno Domagoso a narugianen ti pannakaited ti year-end bonus ken cash gift dagiti regular worker iti Manila City Hall.
Ti nasao a damag ket impakaammo ni Domagoso kalpasan ti regular flag raising ceremony ket binilinna ni Atty. Paul Vega nga OIC City Treasurer nga iruar ti nasurok P317 million bonus para kadagiti empleado.
Awaten dagiti mangmangged ti bonus a katukad iti makabulan a sueldo ken adda pay nayonna a P5,000 a cash gift iti amin a qualified pakairamanan ti Sangguniang Panlungsod.
Nagpanawagan ti mayor kadagiti empleado nga agan-anus ken agbalin a nadayaw iti panangipaay ti serbisyo kadagiti umili a mapan iti city hall.
-- ADVERTISEMENT --
