VIGAN CITY – Inton bigat July 12, 2022 iti maudi a panagawat ti Ilocos Sur National High School kadagiti agrehistro ti Qualifying Examination para kadagiti incoming Grade 7 Science, Technology, and Engineering wenno Special Science Class students ken Special Mathematics Class students para iti School Year 2022-2023.
Inallukoy ni Class Adviser iti Grade 7 Sir Salvador Avisa dagiti nagannak nga i-rehistro dagiti annakda a kwalipikado iti eksaminasyon.
Dagiti estudyante ket rumbeng a saan a nabbaba iti 85% iti final grade-da iti Science, Mathematics ken English idinto a saan a nababbaba iti final grade da iti 83% iti dadduma a learning area ket kasapulan pay nga addaanda iti General Average nga 85% agpangato.
Para iti registration ket masapul iti photocopy iti school form 9 ken birth certificate-da.
Kabayatanna, ti qualifying examination ket maisayangkat inton July 14, 2022 iti oras iti 7:3o iti bigat idiay Ilocos Sur National High School.
