VIGAN CITY – Saan laengen a dagiti tricycle franchise holder ti makaawat iti fuel subsidy nga aggatad iti PHP1,500 ta mairamanen dagiti rehistrado a banca owners iti ili ti Santa.
Iti pannaki-uman ti Bombo Radyo Vigan ken ni Mayor Jesus “Popoy” Bueno Jr., nakikammayetda kadagiti budget officer tapno mai-request ti pannakairaman dagiti banca owners agsipud ta bassit met laeng ti bilangda.
Addan naidanun a surat iti Sangguniang Bayan Members isu a manamnaman nga iti kabiitan a panawen ket maaprubaran ti naibilang nga emergency a linteg gapu ti nagtultuloy a panagpangina iti presyo ti produkto-petrolyo.
Saan a kuarta no di ket coupon ti maited kadakuada nga isu ti isakadada kadagiti paggasolinaan kas tulong para kadagiti banca owner nga agsapsapul ngem apektado iti nangina a presyo ti gasolina.
Maadal met no addanto pay ti mabalin a pondo a mailatang para ti pannakaiwaras kadakuada iti second tranche no kas man bilang.
