Nagpanawagan ni House Committee on Public Accounts Chairperson ken Bicol Saro party-list Rep. Terry Ridon iti myasa a region-wide audit kadagiti flood control ken critical infrastructure projects idiay Bicol kasaruno iti makapaalarma a resulta iti naisayangkat a field validation.
Maibasar ti naisayangkat a high-level inspections, karaman ti panagbisita da DPWH Secretary Vince Dizon ken Pres. Ferdinand Marcos Jr., kinuna ni Ridon nga adda dagiti saludsod kadagiti proyekto kas ti delay iti implementasyonna, non-performance, panagaramat iti substandard materials ken kwestyunable nga accomplishment reports.
Kangrunaan a pinasingkedan ni Ridon ti Garchitorena Seawall a P49 million, Sagpon River Flood Control-Section 1 ken 2 nga P86.5 million, Sagpon River Flood Control-Multi Sections nga P82 million, ken Sagnay River Flood Mitigation a P71.2 million.
Kinuna ni Ridon a kasapulan a mangisayangkat ti maysa a time-bound audit iti amin a flood control ken critical infrastructure projects idiay Bicol tapno maammoan no naisayangkat dagita a husto.
No kas bilang adda mabigbig nga anomalia ket rumbeng nga agipila iti kaso iti Office of the Ombudsman wenno iti Department of Justice.
