Sumangsango da Executive Secretary Ralph Recto ken dati a Philippine Health Insurance Corporation President Emmanuel Ledesma Jr. iti baro a reklamo mainaig iti pannakayakar ti P60 billion a pondo ti Philhealth iti National Treasury.
Dayta ket kalpasan a maipila ti plunder, technical malversation, graft, ken dadduma pay nga administrative complaints ti maysa a grupo dagiti doktor, health advocate, ken abogado iti Office of the Ombudsman.
Iti petision, kiniddaw dagiti grupo a maisayangkat ti preliminary investigation tapno mabigbig ti posible a pakabasulan da Recto ken Ledesma iti panangiyakar iti pondo, agraman ti grave misconduct.
Segun iti grupo, nalawag a panaglabsing iti linteg ti panangiyakar ti pondo iti Philhealth iti salinong ti Republic Act No 7875 wenno National Health Insurance Act, ken Republic Act No 11223 wenno Universal Health Care Act.
