Inlawlawag ni Atty. Karen Batu, Officer-in-charge ti Records Division ti Ombudsman iti impeachment trial ni Vice President Sara Duterte a saan nga in-review ti Office of the Ombudsman ti linaon dagiti SALN a maipasa iti records division da.
Iti panagsaludsod ni Senator-judge Erwin Tulfo, pinasingkedan ni Atty. Batu a kas repository dagiti SALN, kitkitaen da laeng no husto ti form, adda perma na ken petsa, kasta pay no kumpleto dagiti panid.
Saan da a maipagarup a suksokisoken no husto dagiti naideklarar a sanikua, liabilities, business interests wenno no adda dagiti impormasion a masapul a mairaman iti SALN.
Kabayatanna, Impaganetget ni Batu nga adda Field Investigation Office ti Ombudsman nga agisaysyangakat ti fact-finding investigation, ngem awan daytoy ti dirtekta na nga access kadagiti SALN kalaksidan no ag-request da para ti maysa nga imbestigasyon.
Innayon pay ni Batu a kadawyan a mangrugi dagiti imbestigasyon mainaig ti SALN gapu kadagiti reklamo, pakairamanan dagiti anonymous complaint.
