VIGAN CITY – Inarak dagiti tattao iti rebulto ni Sto. Nino idiay Pantay Daya ,Vigan City a mapapati a naglua.
Segun kenni Floridel Ragucos , apoko ti makinkukua ti rebulto a ni Virginia Recaido, agmermeryenda da idi nakita ti kabsat na a ni Floricel a nagkidem ken nagtaredted ti lua ni Sto. Nino .
Saan metten a nasdaaw ni Recaido, 68 a tawenen a mang-agas, iti inaramid ti rebulto agsipud ta adon iti kapadasan na a kas iti mapapati a panagay-ayam ti Sto. Niño iti rabii a makitkita iti apoko na ken no dadduma ket agsao.
Kalaksidanna ket ti Sto. Niño kan iti mangibaga nukwa iti agas dagiti tattao nga agpapaagas kenkuana ken no saan a Katoliko ti sumrek iti pagtaengan da ket malidayan iti rebulto.
Naammuan a saan a daytoy iti umuna a gundaway a mapapati a naglua ti rebulto ti Sto. Niño agsipud ta iti immuna ket idi napan a tawen.
Nairana met nga ado iti agpapaagas kenni Recaido idi napasamak iti insidente isu nga inapprusan ken nagkararag da .
