VIGAN CITY – Saan a nalawag nu anya iti rason nu apay a nasukatan ti chairmanship ti Committee on Appropriations a kas pinasingkedan ni Buhay Partylist Rep. Lito Atienza.
Dayta ket kalpasan a sinukatan ni ACT-CIS Partylist Rep. Eric Yap ti dati a House Committee on Appropriations Chairman a ni Davao City 3RD District Rep. Isidro Ungab iti session ti Kamara a naisayangkat idi kalman.
Segun ken ni Atienza, natuloy ti nasao a pannakabalasa dagiti sumagmamano a komite idiay Kamara ta awan iti kimmontra ket kunana nga arigna nabastos ni Cong. Rosemarie Arenas ta isuda kuma a grupo dagiti babbai iti mangimaton iti session idi kalman ngem binibiyangan ida ni Batangas 2nd District Cong. Raneo Abu.
Uray nu saan a mamati ni Atienza nga adda main-inaw a kudeta wennu plano tapnu mapadisi iti puwesto ni House Speaker Alan Peter Cayetano, kayat na a pagpapatangan da a miyembro ti Kamara iti nasao a banag ta nu saan da a marisot ket mapunuan ni Presidente Rodrigo Duterte ket mabalin nga isingasing na iti pannakarakrak ti Kongreso a saan da met kayat a mapasamak ta awan ton iti demokrasya ditoy pagilian.
