--Ads--
Naka-red alert ti Region 1 Disaster Risk Reduction and Management Council Emergency Operations Center sipud idi Mayo 22 kagiddan ti pannakaisayangkat ti Palarong Pambansa ita a tawen idiay Laoag City, Ilocos Norte.
Iti pannaki-uman ti Bombo Radyo Vigan ken ni OCD Spokesperson Adreanne Pagsolingan, ti addang ket tapno mapapigsa ti monitoring, communication, koordinaasyon ken reporting-da kadagiti pasamak iti nasao nga sporting events.
Awan pay laeng ti major untoward incident a naimalditda kabayatan ti event ngem adda laeng dagiti medical incident kadagiti delegado.
Nakaalerto pay met ti Region 1 Incident Team nga isu ti nadutokan nga agresponde no kas bilang adda madi a mapasamak kabayatan ti pannakaisayangkat ti event.
-- ADVERTISEMENT --
