VIGAN CITY – Awan pay ti pamalpalatpatan dagiti pannakabagi ti linteg idiay Santiago no apay a nagbekkel ti maysa a lalaki idiay Brgy. Al-aluding.
Nabigbig ti biktima a ni Jiffy Marquez, agtawen iti tallopulo, mannalon nga agnaed iti nasao a lugar.
Iti pannaki-uman ti Bombo Radyo Vigan ken ni P/Lt. Rodel Ragasa ti Santiago Municipal Police Station, nadakamat ti ama ti biktima nga awan ti parikut a naibaga ti putotna kenkuana isu nga agingga ita ket burburtia no apay a nagpakamatay.
Nagpakada ti biktima iti amana a mapanen maturog iti dayta a rabii ta nasapa a mapan iti taltalon ngem idi apan umisbo ti amana iti alas otso kwarenta y singko idi January 3 ket nasarakanna iti uneg ti kwarto ti biktima a nakabitin iti tali ti tengngedna
Gapu ti dayta, intarayda idiay Candon General Hospital ti biktima ngem naideklarar a dead on arrival.
