VIGAN CITY – Saan pay laeng a nalawag kadagiti kapulisan no ania iti puon ken gapu no apay a napasamak iti pammagsol idiay Brgy. Bia-o, Sta. Maria.
Matamtaming iti ospital ti biktima a ni Jun Jun Murao Garcia agtawen iti duapulo ket innem a tubo ti Quintarong, Bangar, La Union ken temperaryo nga agnanaed ti Brgy. Bia-o isu a saanda a maalaan ti palawag inaig ti nasao a pasamak kenkuana ken paglibakan ti suspek a ni Dante Espiritu Dasalla ti pammagsol.
Iti pannaki-uman ti Bombo Radyo Vigan ken ni PLt. Joel Dasargo, hepe ti Sta. Maria Municipal Police Station, basar ti pakpakaunada nga imbestigasyon immunaa a nagawid ti suspek a ni Dasalla ket sinaruno ti biktima a nangawis kenkuana nga ituloyda ti panaginomda ti arak.
Gimmatang ni Dasalla iti dua a bote ti arak ket kalpasan ti sumagmamano a minutos mapapati nga imbettakna ti bote ket binagbagkong na ni Garcia nga idi makaadayo ket binansag pay ti suspek.
Itultuloy ti Sta. Maria PNP ti panangimbestigar iti nasao a pasamak tapno maammuan no ania ti husto a napasamak iti nagbaetan ti suspek ken biktima ken maisagsaganan iti kaso a sangwen ti suspek.
