--Ads--
VIGAN CITY – Uppat a milyon a pisos a gatad ti rapid test kit ti ginatang ti lokal a gobierno ti Santa a maaramat a pan-test kadagiti umili tapno maduktalan no isuda ket positibo wenno saan iti COVID19.
Segun ken ni Santa Mayor Jesus Bueno Jr, nagatangda dagiti nasao a test kit babaen iti pondo a naggapu iti Anti Covid19 Crisis Assistance Program (ACAP) ken babaen iti Bayanihan to Heal as One Act.
Kabayatanna, nairugin ti pannakaisayangkat ti rapid testing kadagiti frontliner, senior citizen, persons under monitoring ken dagiti person under investigation idiay Brgy. Banaoang, Namalangan ken Rizal iti nasao nga ili.
Agtaltalinaed a COVID19 free ti probinsia ken maibilang a low-risk area iti nasao a virus.
-- ADVERTISEMENT --
