Nagbalin nga inspirasyon ti Rank 7 iti Architecture Licensure Examination a ni Francisco Eslira dagiti Persons with Diasbilities a nagannakna iti panaggun-odna iti arapaapna idi ubing nga agbalin nga architect.
Ni Eslira, ket nagturpos manipud iti De La Salle-College of Saint Benilde.
Iti pannaki-uman ti Bombo Radyo Vigan ken ni Eslira, uray no deaf ti amana ken hearing-impaired met ti inana, nakitana no kasanoda nga agsakripisyo tapno masuportaran ti panagadalda nga agkakabsat.
Dayta ti rason no apay a motivated latta isuna iti panangragpatna kadagiti arapaapna iti biag.
Sipud kinaubingna, arapaapan ti agbalin nga architect gapu iti sitwasyon ti pamiliana a bassit laeng ti paggigyananda a pagtaengan isu a kayatna nga isuna a mismo ti mangdisenyo iti bukodna a balay.
Maysa pay a rason ket ti kalikagumna a mangtungpal iti arapaap met laeng ti sabali.
Kinunana a normal laeng a makarikna iti pammabalaw iti bagi ngem masapul nga aramiden ti amin a kabaelan.
Para iti nasao a topnotcher, awan dakesna no suroten dagiti pammati no agexam ta awan met ti mapukaw no ipadas.
