Ninamnama ni Trisha Nicole Oller, manipud Saint Louis University a makapasa isuna ti 2024 Philippine Nurse Licensure Examination ta ti nagappuanna a pagadalan ket consistent nga adda iti top performing school, ngem iti panag-topnotcher na wenno panag-rank 4 na ket saanna a ninamnama.
Iti pannaki-uman ti Bombo Radyo Vigan kenkuana, uppat a bulan a nagreview, ken 8-12 hours iti kada aldaw iti busbusbosenna nga agreview, ngem ikikkanna met laeng ti bagina nga aginana tapno saan a mabannug ti utekna.
Segun kenni Oller, ti namarsua iti nagbalin nga inspirasyonna ken dagiti nagannakna a nangsuporta kenkuana.
Kabayatanna, ti inana ken dagiti kabagyanna a nurse ti nangiduron kenkuana a mangala ti kurso a nursing.
Iti agdama, i-enjoy na pay laeng iti aginana, ngem inton sumaruno a tawen ket kayatna iti mangisuro kadagiti ag-take ti philippine nurse licensure examination ken agtrabaho iti ospital.
