VIGAN CITY – Napalaos a ragsak ti narikna ni Cedric Jerome Carlos Donguines manipud iti De la Salle University iti pannakagun-odna ti rank 1 iti 2024 Civil Engineers Licensure examination.
Iti pannakiuman ti Bombo Radyo Vigan kenni Donguines, ti pannakaipasa na iti exam ket isun iti isagotna a regalo iti pamilyanan.
Nagbalin a naannayas ti panagsaganana iti eksaminasyon numanpay adda ti sangsangwenna a karit kadagita a panawen a nakaapektaran ti konsentrasyonna kas ti parikot iti pamilya ken ti pannakapukaw ti ay-ayatenna iti biag.
Balakadna met kadagiti agtake iti exam nga aramidenda ti amin a kabaelanda ken agfocus tapno maipasa ti eksaminasyon.
Kabayatanna, saan met a ninamnama ni Arexcin Ray Caballero Timbal manipud iti Bohol State University a mairaman isuna kadagiti topnotchers.
Iti pannakipatpatang ti Bombo Radyo Vigan ken ni Timbal, ti laeng kararagna ket makapasa ngem dakkel ti pannakakigtot ken panagyamanna idi nakastrek kadagiti topnotcher.
Ipaayna met ti pannakapasana iti lilongna a nairana iti pannakatayna bayat a manarimaan ti exam.
Kunana a gapu iti napalaos a a ladingit a nariknana ket pinagbalinna lattan nga inspirasyon tapno agballigi iti panagexamna.
