Dream come true para ken ni John Philip Paladan Dela Cruz, graduate ti Isabela State University ti panagbalinna a topnotcher iti Agricultural and Biosystems Engineers Licensure Examination.
Iti pannaki-uman ti Bombo Radyo Vigan ken ni Dela Cruz, kasla saanna pay laeng a patien nga isu ti rank 1 ta adda paset iti exam da a narigatan.
Malaksid a ti amana ket mannalon, naguyugoy isuna nga alaen ti Agricultural and Biosystems Engineers a kurso gapu iti kinaadu dagiti oportunidad a mabalinnanto a pagubraan.
Imbingay ni Dela Cruz a kararag ken panagsagana laeng ti inaramidna tapno maipasa ken agbalin a topnotcher ti exam ta isuna ket nagturpos nga awan ti latin honor-na.
Sumaruno met a desisyonna no ania kadagiti naidiaya kenkuana a trabaho ti serkanna.
