Kinumpirmaran ti Bureau of Jail Management and Penology (BJMP) a naka-confine ita ni Kingdom of Jesus Christ leader Apollo Quiboloy iti Rizal Medical Center ta narigatan a naganges bayat iti kaaddana iti Pasig City Jail.
Segun ken ni BJMP Spokesperson Supt. Jayrex Bustinera, naiyakar ni Quiboloy babaen kadagiti BJMP Pasig City Jail Dormitory personnel kalpasan nga inrekomendar ti physician iti pasilidad a masapul a maipan ni Quiboloy iti kaasitgan a government hospital.
Kinunana nga inrekomendar met ti attending physician ni Quiboloy idiay Rizal Medical Center iti pannaka-confine na iti sabali nga ospital gapu iti pagkurangan ti pasilidad.
Iti initial diagnosis iti ospital ket agsagsagaba ti pneumonia ni Quiboloy.
Iti pannakaiyakar ni Quiboloy iti ospital ket impasigurado ni Bustinera iti publiko nga agtalinaed a nakaipasidong ni Quiboloy iti BJMP custody ken nainget iti seguridad iti lugar bayat iti pannaka-confine na.
