Nangiruaren ti Quiapo Church iti advisory para kadagiti deboto a bumisita iti first Sunday Mass, sumagmamano nga aldaw sakbay iti tinawen a Traslacion iti imahe ti Jesus Nazareno inton January 9.
Malaksid dayta ket nangiruar iti simbaan iti agduduma a ruta a sumrek ken rumuar iti simbaan depende iti paggappuanda.
Dagiti exit points iti aglawlaw iti Carriedo ken San Juan Bautista nga agturong iti Recto Ave. ken Rizal Ave ket iti Evangelista St., Palma St., Plateria St., Padre Gomez St., Sales St., ken Estero Cegado.
Idi Sabado ket nagturong dagiti deboto para iti tinawen a blessing ti standards ken replicas ti imahe ti Jesus Nazareno.
Tunggal January 9 ket mapaspasamak ti Traslacion a mangidaydayaw iti pannakayakar ti imahe manipod San Nicolas de Tolentino Church idiay Intramuros nga agturong iti Quiapo Church manipod 1700s.
Idi napalabas a tawen ket nasurok walo a million a deboto iti dimmar-ay iti Traslacion a nagpaut iti nasurok 20 nga oras.
