VIGAN CITY – Nakaituding a bumisita iti pagilian inton sumaruno a lawas ni Queen Maxima idiay Netherlands tapno tumulong ken ital-o ti financial inclusion.
Ti Dutch royalty ket agbiahe nga umay ditoy pagilian inton May 21-23 gapu ti bilegna kas United Nations Secretary-General’ Special Advocate for Inclusive Finance for Development.
Ti panagbisitana ket nakatutok iti panangduron kadagiti napapateg a foundational building blocks para iti financial inclusion pakairamanan ti connectivity, digital identification ken digital payments ket uray iti panangpasayaat ti financial health ken silience kontra iti economic and climate-related challenges para kadagiti Pilipino.
Makataripnongna da President Ferdinand Marcos Jr., Finance Secretary Ralph Recto, Bangko Sentral ng Pilipinas Governor Dr. Eli Remolona Jr., ken dadduma pay a napapateg a policymakers ken lider iti pagilian ken uray ni Asian Development Bank (ADB) president Masatsugu Asakawa tapno ag-explore iti collaborative opportunities iti regional level.
