--Ads--
Plano ti Quad Committee ti Kamara a paayaban ni dismissed Bamban Tarlac Mayor Alice Guo sakbay ti imbestigasionda tapno malawlawagan iti isyu ti operasion ti Philippine offshore gaming operator (POGO) ditoy pagilian.
Nupay kasta, kinuna ni Quad Comm lead Chair Robert Ace Barbers, saanda pay laeng nga ita ta iti sumaruno a hearing ket maipapan kadagiti extra judicial killings.
Posible a pagsasaritaan manen ti Quad Comm ti isyu ti POGO inton sumaruno a lawas no sadino a kasapulanda ti kaadda da Guo, dati a Presidential Spokesperson Harry Roque, ken Cassandra Ong.
