Kayat a paimbestigaran ni Quad-comm co-chair ken Santa Rosa City Rep. Dan Fernandez ti posibilidad a pannakaaramat ti intelligence funds iti mapapati a reward system iti war on drugs idi Duterte administrasion.
Segun kenni Fernandez, a nadlawna nga immadu ti panagusar iti intel funds iti sumagmamano a bulan.
Aminado ni Fernandez a narigat a maammuan ti paggapuan ti nasao a pondo gapu ta confidential.
Kabayatan ti napalabas nga administrasion, tinawen a mailatang ti confidential ken intelligence funds manipud P2.5 billion agingga iti P4.5 billion.
Maipalagip nga iti napalabas a hearing ti QuadComm, kinumpirmaran ni dati a Police Col. Royina Garma a P20,000 agingga P1 million ti maited kadagiti mangpapatay kadagiti drug suspects depende iti target ken ti pondo ket adda idiay Malacañang.
