Quad Comm, kayatda nga imbitaran ti “godfather” ti POGO a ni Lyu Dong a mapapati nga adda kompania na ditoy Ilocos Sur

Kayat nga imbitaran ni Quad Committee Lead Chair Robert Ace Barbers iti panagdenggeg ti komite da iti maaw-awagan a “godfather” ti POGO iti Pilipinas a ni Lyu Dong.

Segun kenni Barbers, napinpintas no sumango ni Lyu, dismissed Bamban Mayor Alice Guo, ken ni Cassandra Ong nga isu ti authorized representative ti Lucky South 99.

Mamati ni Barbers nga adu pay ti mabalin nga ibutaktak ni Lyu mainaig iti POGO.

Maibasar iti impormasyon ti PAOCC, ni Lyu a ti pudno a naganna ket Lin Xunhan ket adda pakainaiganna iti Hongsheng Gaming Technology a nagbalin Zun Yuan Technology.

Mapapati pay nga adda kompania ni Lyu iti Ilocos Sur ken mangidadaulo ti illegal online activities idiay Calabarzon ken Central Visayas.