Saan a nagkomento ti Quezon City Police District inaig iti pangngeddeng ti Quezon City Prosecutors Office a panangibasura iti kaso nga impilada kontra ken ni Vice President Sara Duterte.
Maipalagip nga impila ti QCPD dagiti kaso a direct assault, disobedience to authority, ken grave coercion kontra ken ni Duterte ken ti security officer-da a ni Col. Raymund Lachica ken dadduma pay.
Timmakder a complainant ni Lt. Col. Van Jason Villamor a hepe iti QCPD Medical and Dental Unit.
Nagtaud ti nasao a banag idi linapdan ni Vice President Sara ti dadduma a kameng ti QCPD bayat nga inasistaran ti ambulansya ti pannakaiyakar ti Chief of Staff-na a ni Atty. Zuleika Lopez iti ospital.
Iti resolusyon nga inruar ni CXity Prosecutors Vimar Barcello, kinunana nga awan ti husto a pagibasaran tapno iduron ti kaso a naipila kada Duterte.
