Kinumpirmaran ni Senador Jinggoy Estrada a rinaut dagiti tallo nga agindeg idiay Boracay ti putotna a ni Julian Ejercito ken ti kaanakanna a ni Jefferelly Vitug iti parbangon ti Mayo 24.
Kabayatan ti panagawidda manipud iti bar a mapan idiay D’Mall iti Station 2, bigla a sinurot ken pinagtinnulonganda ida a danugen dagiti tallo a lalaki iti asideg ti maysa a hotel idiay Barangay Balabag.
Segun ken ni Estrada, awan ti riri iti uneg ti bar sakbay a napasamak ti insidente, ken adda CCTV a mangpaneknek iti daytoy.
Nagsagrap ni Julian iti tama ti ulo ken naawanan iti kuko iti saka gapu iti namin-ano a pannakaikugtarna bayat a nakaidda.
Ni met Jefferelly ket nadunor ti agongna, nga ita ket agpapalaingda iti ospital.
Dagus a simmangpet ni Sen. Estrada idiay Boracay tapno pilaan iti kaso kontra kadagiti suspek.
