Pusa manipod United Kingdom, naalana ti rekord nga oldest cat

VIGAN CITY – Ni Flossie manipod United Kingdom ti nakaala ti world rekord nga oldest cat ta agtawenen iti duapulo ket pito.

Nasalun-at ni Flossie ngem saan a makanggeg ken bulsek isu a permi iti panangtaripato kenkuana ni VicCtoria nga akin-taraken.

Segun ken ni Victoria, naalana ni Flossie iti Cat Protection ket innalana uray senior ta kayatna a maipaayan ti napintas a biag iti nababati pay a panawenna iti lubong.

Ti average life expectancy ti pusa ket sangapulo ket uppat a tawen ngem ni Flossie arigna dinoblenan ta 27 years old-nan maibasar iti kwenta ti tao isu a naalana ti record.