Saanen a kasapulan dagiti senior citizen ti purchase booklet tapno makaala iti 20 percent discount iti agas ken medical devices.
Ti baro a patakaran ti Food and Drugs Administration ket maisurot iti pammilin ti Department of Health iti salinong ti Administrative Order 2014-0017 nga inruar ni Health Secretary Teodoro Ted Herbosa, a nakabaliwan dagiti dati a pagannurotan iti pannakaipatungpal ti Expanded Senior Citizens Act of 2010.
Segun iti FDA, saan a pudno a nailanad iti linteg a kasapulan ti purchase booklet tapno makaala iti diskwento.
Iti baro a pagannurotan, dagiti senior citizen ket kasapulan laeng nga agipakita kadagiti senior citizen ID-da wenno ania man a valid ID a mangpaneknek nga isuda ket pudno a Pilipino, agraman ti reseta ti doktor.
Nupay kasta, ti diskwento ket mabalin laeng nga aramaten kadagiti agas ken medical services nga inaprubaran ti FDA.
