Mangisagana ti Department of Social Welfare and Development iti baro a pagannurotan tapno maiparit ti kaadda dagiti pulitiko iti panagiwaras iti ayuda, tapno saan a maaramat ti programa para iti pulitikal nga interes.
Segun ken ni Usec Adonis Sulit, mairaman iti amendments ti Assistance to Individuals in Crisis Situation guidelines ti panangiparit kadagiti pulitiko ken panangited iti campaign materials iti payout events.
Kabayatanna, kinumpirmaran ti ahensia a dakkel ti kissay iti pondo ti crisis programs iti 2026 budget.
Awanen ti alokasyon ti P26 bilion nga ayuda para iti Kapos ang Kita Program, idinto a bumaba met manipud iti P44.7 bilion ita a tawen nga agbalin a P27 bilion iti 2026 ti pondo ti AICS – kissay a mabalin a mangapektar iti minilion a benepisyaryo.
