VIGAN CITY – Pinanggep a pasuksukan ti dua a lalaki ti maysa a pulis iti Animal Quarantine Checkpoint idiay Brgy. Gabur, Sta. Cruz idi kalman.
Nabigbig dagiti nanggandat nga agpasuksuk ti pulis a da Apolonio Nicoals Reyes, agtawen ti limapulo, naasawaan, driver nga agnaed iti Pulong Buhangin, Sta. Maria, Bulacan a nagmaneho iti Isuzu Van truck ken pasaherona a ni Julius Mariano Vicente, agtawen ti uppat a pulo ket dua, baro nga agnaed iti 0555 Turo Bocaue, Bulacan.
Maibasar iti inisyal nga imbestigasyon, pinara dagiti personnel iti Quarantine checkpoint ti naglugananda ken dinamagda iti karga iti luganda ket kinunada nga itlog iti linaon ti truck da.
Ininspeksyon dagiti pannakabagi ti linteg iti van ket naduktalanda a naglaon iti nadumaduma a klase iti paputok isu a nga impakita ti driver iti Permit to Transport iti paputok ngem pinanggep da pasuksukan ti pulis iti gatad a limaribo a pisos a gappuanan iti pannakakemmegda.
Gapu iti dayta maisagsaganan iti kaso a maipila kontra kadagiti nakemmeg
