VIGAN CITY- Direct assault upon agent of person in authority ken grave threat ti kaso a sanguen ni Janzel Dizon, agtawen ti 21, baro , utility personnel ken taga Brgy. Calittong, Burgos ta mapapati a pinagsawsaw-an na ti dakes ken dinanog na ti pulis a nagresponde iti pagtrabtrabahuan na a hotel idiay Brgy. Suso, Sta. Maria, idiay Sorrento hotel and resort.
Segun kenni SPO3 Annalisa Jamandra, information officer ken chief investigator ti Sta Maria municipal police station, nabartek ni Dizon a napan idiay hotel ta makipatang kuma iti manager da a ni Maricar Tamulag ta ikkaten ta saan a nasayaat a galad na iti trabaho , ngem saan a nasango ti manager ta agisagsagana idi ti taraon para kadagiti sangaili isu a nagprobokar ti suspek ken mapapati a pinangtaan na pay ti manager da.
Insigida met a nagresponde dagiti otoridad ket inanawa da ni Dizon ngem t inkarkaro na pay iti nagprobokar ken pinagsawsaw-an na dagiti pulis a nagresponde ken dinanog na ti makinnakannawan a panga ti maysa kadakuada.
