Saan a ninamnama ni Pat. Mark Klein Tabbay a maipasana ti Civil Engineer Licensure Examination ta inggasang gasatna laeng ti panagexam-na.
Iti pannaki-uman ti Bombo Radyo Vigan ken ni Pat. Tabbay, nupay nakapasan, ti latta panagserbi iti publiko ti kayatna nga aramiden ta inspirasyonna ti amana iti panagbalinna a pulis.
Dayta ket numan pay saan idi a kayat ti amana nga agbalin met a pulis.
2019 idi nagturpos iti kurso a Civil Engineer iti University of Northern Philippines ngem napaay iti umuna a panag-take-na isu a planona koma manen idi ti agexam ngem naitantan gapu iti pandemya.
Ti Civil Service Eligibility-na ti inusarna a panagapply iti kinapulis ta naipasana sakbay a nagturpos iti kolehio ket ti pannakaipasana met iti NAPOLCOM ti inusarna para iti promotion.
Uray saan idi a kayat ti amana nga agbalin a pulis ket in-inut met laeng a naaw-awatna ta binagbagaanna payen a no ania ti sinerrekna ket takderanna ken numan bilang mabannug, nasken a saan a sumuko no di ket aginana laeng.
