VIGAN CITY- Madama ti profiling dagiti kameng ti San Juan Municipal Police Station kadagiti kaaruba ni P01 Reymund Serna, agtawen ti 28 , nakadestino idiay 1st Ilocos Sur Police Mobile Force (ISMPBF) nga agnaed idiy Nagsupotan, San juan tapno maammuan no sino ti nangtakaw ti service firearm na a canik striker caliber 9mm pistol , lima a relo ken kuarta nga aggatad ti P95,000 iti uneg ti pagtaenganda.
Segun kenni PS/Insp. Jade Macaraeg, officer –in-charge ti San Juan(MPS), awan ti tao iti pagtaengan di napasamak ti panagtakawan ket mapapati a simrek ken rimuar dagiti suspek iti bobeda sada nagturong iti kuarto ti biktima a nangalaan da ti kuarta ken service firearm na ken dagiti relo iti salas da
Innayonna a posible a kaam-ammo wenno kaaruba laeng ti biktima ti suspek ta saan a nagtaol dagiti aso da kas maibasar iti paliiw dagiti kaaruba da.
