VIGAN CITY – Naidalanen iti “inquest proceedings” ni PO2 Eduard Garces , nakaidestino idiay Galimuyod PNP , agtawen ti 31 , naasawaan ken taga Lingsat, Sta. Maria ket maiyur-uray ti resolusyon ti korte no anya ti maiyannatup a kaso na ta napatay na ni Aristotle Rubio, a taga Negros Occidental ken agnanaed idiay San Jose, Narvacan idiay tyendaan ti San Jose, Narvacan nupay rumrumuar a ‘self-defense’ iti napasamak.
Kabayatanna, nagturongen idiay narvacan municipal police station ni Bonifacio Ciubal nga isu ti mapapati a kinarit ni Rubio , tapno ilanad ti ammo na ken malawlawagan ti insidente.
Maipalagip a sakbay ti pammaltog ket mapapati a rinaut ni Rubio ni Ciubal ket nairana nga adda ni P02 garces iti lugar isu a napan nagresponde ngem idi nagpabigbig a kameng ti PNP ket mapapati nga inlayat ni Rubio ti patadem na isu a pinaltoganna ti biktima.
