Padayawan ti Philippine National Police ni PCol. Pergentino Malabed a karaman kadagiti innem a pulo ket pito a pasahero ti American Airlines a natay gapu iti panagdinnungpar ti eroplano iti military helicopter idiay Reagan National Airport idiay Washington idi napan a lawas.
Adda idiay Amerika ni Malabed para iti maysa nga opisial a misyon kas mangidaulo iti PNP Supply Management Division idi mapasamak ti aksidente.
Segun ken ni PNP Spokesperson ken PR03 Regional Director PBGen. Jean Fajardo, addan idiay Amerika ti asawa ni Malabed tapno bigbigen ti bangkayna.
Malaksid ken ni Fajardo, adda pay met idiay Amerika ti kabsatna nga as-asikasoen ni Office of the Police Attache Col. Moises Villaceran.
Innayon ni Fajardo a no nalpasen dagiti kasapulan a dokumento ket mayawid ti bangkay ni Col. Malabed.
