--Ads--
Impasigurado ti Philippine National Police a madengngeg nga adda transparency ken maisurot iti due process ti kaso ti maysa a pulis a mangal-allukoy iti protesta iti gobierno kalpasan ti pannakakemmeg ni dati a Presidente Rodrigo Duterte.
Segun ken ni PNP PIO Chief PCol. Randulf Tuaño, nakaangkla ditoy ti integridad ken panagbalin a neutral ti PNP.
Maipalagip a ni Patrolman Francis Steve Tallion Fontillas ket nagtrending gapu iti panag-live na iti Facebook account na ket inallukoyna dagiti padana a pulis nga agprotesta kontra iti gobierno ken kontraen ti pannakakemmeg ti dati a presidente.
Pinasingkedan met ni PNP Chief PGen. Rommel Marbil a ti social media ket saan a plataporma para iti personal wenno pang-political agenda.
-- ADVERTISEMENT --
