VIGAN CITY – Dead on arrival ni Pat. Shandrex Lopez, agtawen iti duapulo ket pito, PNP member a naidestino iti PIT Ilocos Sur RIU1, tubo iti Purok 4, Quirino, Naguilian, Isabela gapu ti pannakaidungparna iti Mitsubishi Montero idiay Barangay Cabalanggan, Bantay.
Ti Montero ket minaneho ni Bryan Camit, agtawen iti tallopulo ket lima, taga-Barangay 7, Alejo, Malasig, Vintar, Ilcos Norte.
Makita iti CCTV footage nga agpapadaya a direksyon ti motorsiklo idin ta ti Montero nga aggapu iti bangir a linya ket nagpakannigid ta sumrek koma iti akin-abagatan a paset ti highway nga isu ti panagdinnungpar ti dua a lugan.
Gapu dayta, nagsagaba iti nakaro a dunor iti ulo ti drayber ti motorsiklo ket naipan iti ospital para ti pannakatamingna ngem saanen a nakalasat.
