Umaboten iti P545.7 million ti agriculture production loss wenno pukaw iti agrikultura iti Region 1.
Dayta ket gapu iti iduduprak dagiti nagsasaruno a bagyo.
Iti pannaki-uman ti Bombo Radyo Vigan ken ni Vida Cacal, Info officer ti DA-Ilocos Region, agingga idi November 6, nairekord ti P498.1 million a pukaw kadagiti mula a pagay, mais ken nateng nga isu ti kangatwan.
P3.3 million met iti livestock sector idinto a P46.2 million iti fisheries.
Nupay kasta, inlawlawag ni Cacal a saan a mangitunda daytoy iti ingingina ti presyo ti bagas ken irik ta umdas pay laeng ti suplay ti produksyon iti Ilocos region.
Iti agdama, agtultuloy ti validation da manipud kadagiti nadumaduma a local government unit para iti total amount of damages nga imbati dagiti bagyo iti sektor ti agrikultura.
