Publiko, naballaagan kontra scam ita a holiday season

Pagan-annaden a naimbag ni Senate Minority Leader Koko Pimentel ti publiko kadagiti scam ita a holiday season ta ita a panawen ti panagrairana a mangbikbiktima kadagiti umili nangruna ta nalatak ita ti online shopping.

Binalakadan ni Pimentel ti publiko a sumurot iti balakad ti National Telecommunications Commission a liklikan ti agiclick kadagiti link a maawat kadagiti text messages ta daytoy ti mangisagmak iti personal information ken financial security ti maysa a tao.

Inyunay-unay ti senador a saan nga agipatulod kadagiti mensahe a saan nga ammo ti naggapuanna.

Innayonna nga iti daytoy a panawen ket nasken nga usaren ti panunot ta adu nga scammer ti nalaing a manggundaway.