VIGAN CITY – Inikkaten ti Israel Defense Forces Home Front Command ti restrictions a naiyetnag iti public gatherings gapu ti massive drone ken missile attack iti Iran idiay Israel.
Iti pannaki-uman ti Bombo Radyo Vigan ken ni Bombo International News Correspondent Maria Teresa Vicente nga adda iti pagilian ng a Israel, immunan nga inyatiddog iti Israel Defense Force ti pagannurotan ti panangpainget iti educational activities iti intero a pagilian ken gatherings iti nasurok sangaribo a tattao kangrunaan iti simbaan ket nu aglugan ti bus rumbeng a kagudua laeng manipod iti orihinal a kapasidadna.
Segun ken ni Vicente, gapu ti nasao nga addang ket agsublin ti trabaho dagiti mangmangged idinto nga adda metten ti klase dagiti estudyante.
Natalged ti rikna dagiti Pilipino kas kenkuana ta adda inyulog a kasuratan ti gobierno iti Israel a mangipakpakaammo a tulonganda latta ida, adda man visa da wenno awan ket siguradoenda a masalaknibanda.
Inlawlawagna a ti inaramid iti Iran idi Sabado ket adda kainaigan ti napasamak a panagatake iti Hamas idi October 7, 2023 ngem sakbay ti panagatake ita a tawen ket napakaammoan iti Israel inaig ti panagpabanto isu a nakasagana dagiti tattao.
VIDEO – BINC MARIA TERESA VICENTE
