Nangisayangkat ti Psychosocial First Aid ti Department of Social Welfare and Development (DSWD) para kadagiti umili a naapektaran iti Bagyo Opong.
Iti DSWD Field Office 2 wenno Cagayan Valley, innem a mangngalap iti nakalasat kalpasan a nagbaliktad iti bangkada bayat iti panagduprak iti Bagyo Nando idiay Sta. Ana, Cagayan iti tinutukan iti DSWD.
Gagemda a makissayan ti danag ken matulonganda a makabangon manen manipod iti napasaranda a trahedya.
Malaksid dayta ket nagawatda iti sag-P3,000 a tulong pinansyal kadagiti fisher folk manipod Assistance to Individuals in Crisis Situation (AICS) program.
Karamanen iti duapulo ket maysa a dadduma pay a mangngalap a na-stranded iti nasao nga ili.
Iti agdama ket duapulo ket pito a mangngalap iti natulongan iti DSWD.
