--Ads--
Nangisayangkat iti psychosocial first aid wenno PFA ti Department of Social Welfare and Development iti komunidad ti Ateneo de Zamboanga University, kasaruno ti pammaltog iti Junior High School idi Agosto 18.
Segun iti DSWD Field Office 9, umabot iti 92 nga agad-adal, 105 a faculty ken staff, ken 16 a nagannak ti naipaayan iti psychosocial first aid idi Agosto 20.
Katinnulong kadagiti session ti mental health professionals ti DSWD ken 70 a PFA volunteers.
Gagem ti addang a matulongan dagiti nakapadas iti buteng ken trauma gapu iti insidente.
-- ADVERTISEMENT --
Impasigurado ti DSWD nga itultuloyda ti makibinnulig iti management ti AdZU tapno maipaay ti kasapulan a psychosocial support iti intero nga school community.
